பொங்கல் பண்டிகையை முன்னிட்டு 3 சிறப்பு ரெயில்கள் அறிவிப்பு !
வருகிற 15-ம் தேதி பொங்கல் பண்டிகை கொண்டாடப்படுகிறது. இதை முன்னிட்டு சொந்த ஊர்களுக்குச் செல்வோர் வசதிக்காக, ரெயில் டிக்கெட் முன்பதிவு கடந்த செப்டம்பரில் தொடங்கி, விரைவாக முடிந்தது. வரும் 12-ம் தேதி முதல் 18-ம் தேதி வரை பெரும்பாலான ரெயில்களில் டிக் கெட் முன்பதிவு முடிந்துவிட்டது. ரெயில்களில் முன்பதிவு செய்யமுடியாத பொதுமக்கள், சிறப்பு ரெயில்களை எதிர் பார்த்துக் காத்திருக்கின்றனர். இந்நிலையில், முன்பதிவில்லாத ரெயில் உள்ளிட்ட 3 சிறப்பு ரெயில்கள் விரைவில் அறிவிக்கப்பட உள்ளன. சென்னை எழும்பூரில் இருந்து திருநெல்வேலிக்கு ஜன. 14,16-ம் தேதியும், மறு மார்க்கமாக நெல்லையில் இருந்து ஜன. 15,17-ம் தேதி ஜன் சதர்ன் விரைவு ரெயில் (24 பெட்டிகளைக் கொண்ட முன்பதிவில்லாத ரெயில்) இயக்கத் திட்டமிடப்பட்டுள்ளது. இது தவிர, தாம்பரம் திருநெல்வேலி இடையே வரும் 11, 13, 16ம் தேதிகளிலும், திருநெல்வேலியில் இருந்து ஜன. 12, 14, 17ம் தேதிகளிலும் இந்த ரெயில் இயக்கப்பட உள்ளது. மேலும், கோவை-சென்னை எழும்பூர் இடையே ஒரு சிறப்பு ரெயில் இயக்கப்பட உள்ளது. இதுகுறித்த அதிகாரப்பூர்வ அறிவிப்பு விரைவில் வெளியாக உள்ளது.
