விசிக பிளக்ஸ் பேனர்கள் கிழிப்பு; போலீசார் விசாரணை!
விடுதலை சிறுத்தைகள் கட்சியின் சார்பில் திருச்சி மாவட்டம், சிறுகனூரில் வெல்லும் ஜனநாயகம் மாநாடு நேற்று நடந்தது. இந்த மாநாட்டை வரவேற்று பெரம்பலூர் மாவட்டத்தில் அக்கட்சியினர் சார்பில் பல்வேறு இடங்களில் பிளக்ஸ் பேனர்கள் வைக்கப்பட்டிருந்து. இதில் சென்னை-திருச்சி தேசிய நெடுஞ்சாலையில் பெரம்பலூரில் நெடுவாசல் பிரிவு சாலையோரத்திலும், தண்ணீர் பந்தல் பகுதியிலும் மற்றும் அகரம் சீகூர் பார்டரிலும் வைக்கப்பட்டிருந்த பிளக்ஸ் பேனர்கள் மர்ம நபர்களால் கிழிக்கப்பட்டது. இது தொடர்பாக பெரம்பலூர், மங்களமேடு போலீசார் விசாரணை நடத்தி வருகின்றனர்.
