போலீஸ் நிலையத்தில் 450 வாகனங்கள் எரிந்து நாசம்!
தலைநகர் டெல்லியின் வஜிராபாத் போலீஸ் நிலைய வளாகத்தில், பல்வேறு சம்பவங்களில் பறிமுதல் செய்யப்பட்ட வாகனங்கள் நிறுத்தி வைக்கப்பட்டு இருந்தன. இந்த வாகனங்களில் திடீரென தீப்பற்றிக் கொண்டது. இது குறித்து தீயணைப்பு நிலையத்திற்கு தகவல் தெரிவிக்கப்பட்டது. 5 வாகனங்களில் விரைந்து வந்த தீயணைப்பு படையினர் சுமார் 2 மணி நேரம் போராடி தீயை கட்டுக்குள் கொண்டு வந்தனர். இருந்தபோதிலும், இந்த தீவிபத்தில் 200 கார் உள்ளிட்ட வாகனங்களும், 250 இருசக்கர வாகனங்களும் தீயில் எரிந்து நாசமானதாக அதிகாரி ஒருவர் தெரிவித்தார்.
