கோவிலுக்கு தனி போலீஸ் நிலையம்…!
திருச்சி ஸ்ரீரங்கம் ரெங்கநாதர் கோவிலில் ஆண்டு முழுவதும் உற்சவங்கள் நடைபெறுகின்றன. எனவே, ரெங்கநாதரை தரிசித்துச்செல்வதற்காகவும், சுற்றுலா நோக்கத்திலும் பல ஆயிரக்கணக்கான பக்தர்கள் தினமும் இங்கு வந்து செல்கின்றனர். விவிஐபிக்களின் வருகையும் அதிகரித்து வருவதால் பாதுகாப்பு மற்றும் கண்காணிப்புப் பணிகளுக்கு தினமும் இங்கு கூடுதல் போலீசாரை பணியில் அமர்த்த வேண்டிய நிலை உள்ளது. ஸ்ரீரங்கம் போலீஸ் நிலையத்தில் உள்ள போலீசாரை இப்பணியில் அமர்த்தும்போது, அன்றாட போலீஸ் நிலைய பணிகளில் சிக்கல் ஏற்படுகின்றன. எனவே, இப்பிரச்சினைக்கு தீர்வு காணும் வகையில், ஸ்ரீரங்கம் ரெங்கநாதர் கோவிலுக்கு என்று தனி போலீஸ் நிலையம் உருவாக்கித்தருமாறு மாநகர காவல்துறை சார்பில் டி.ஜி.பி.க்கு பரிந்துரை செய்யப்பட்டுள்ளது.
