கடத்த முயன்ற ரூ.28 லட்சம் மயில் இறகுகள் பறிமுதல்!

மும்பையை அடுத்த நவிமும்பை நவசேவா துறைமுகம் வழியாக சீனாவிற்கு மயில் இறகுகள் கடத்தப்படுவதாக வருவாய் புலனாய்வு பிரிவு அதிகாரிகளுக்கு ரகசிய தகவல் கிடைத்தது. இதன்பேரில் அதிகாரிகள் துறைமுகத்திற்கு சென்று சீனாவிற்கு அனுப்பப்பட இருந்த கன்டெய்னர்களை திறந்து சோதனை போட்டனர். இந்த சோதனையில் அங்கிருந்த ஒரு கன்டெய்னரில் மறைத்து வைக்கப்பட்டு இருந்த மயில் இறகுகளை பறிமுதல் செய்தனர். இவற்றின் மொத்த மதிப்பு ரூ.28 லட்சம் ஆகும். இது குறித்து வருவாய் புலனாய்வு பிரிவு அதிகாரிகள் வழக்கு பதிவு செய்து, மயில் இறகுகளை வெளிநாட்டிற்கு கடத்தி செல்ல முயன்ற நபரை பிடிக்க விசாரணை நடத்தி வருகின்றனர்.