காசி விஸ்வநாதர் கோவிலில் சிறப்பு பூஜை-சாமி வீதியுலா!
அரியலூர் மாவட்டம் ஆண்டிமடம் அருகே கு.வல்லம் கிராமத்தில் உள்ள மிகவும் பிரசித்தி பெற்ற ஸ்ரீ காசி விஸ்வநாதர் கோவிலில் சிறப்பு பூஜை நடைபெற்றது. இதையொட்டி ஸ்ரீ காசி விஸ்வநாதர், விநாயகர், ஐயப்பன், முருகன் ஆகிய தெய்வங்களுக்கு பல்வேறு பொருட்களை கொண்டு சிறப்பு அபிஷேகம் செய்யப்பட்டது. பின்னர் பல்வேறு மலர்களால் அலங்கரிக்கப்பட்டு, சிறப்பு பூஜை நடைபெற்றது. பின்னர் சாமி வீதியுலா நடைபெற்றது.இதில் சுற்றுப்பகுதிகளில் இருந்து திரளான பக்தர்கள் கலந்து கொண்டு சாமி தரிசனம் செய்தனர். இதில் கலந்து கொண்ட பக்தர்கள் அனைவருக்கும் பிரசாதம் வழங்கப்பட்டது. இதற்கான ஏற்பாடுகளை கோவில் நிர்வாகிகள் மற்றும் ஊர் பொதுமக்கள் செய்திருந்தனர்.
