சிறுவனுக்கு ரூ.5 லட்சம் கொடுத்து உதவிய நடிகர்!!!
கேரள மாநிலம் தொடுபுலா அருகே உள்ள வெள்ளிய மட்டம் பகுதியில் மேத்யூ பென்னி என்ற சிறுவன் தனது தந்தையின் மறைவுக்கு பின்பு 20 மாடுகள் வளர்த்து வந்தார். 15 வயதான மேத்யூ வளர்த்து வந்த மாடுகளில் ஒரே நாளில் 13 மாடுகள் திடீரென உயிரிழந்தன. இதையடுத்து மன முடைந்த சிறுவன் மேத்யூவை நடிகர் ஜெயராம் நேரில் சந்தித்து ஆறுதல் கூறினார். இது மட்டுமின்றி தான் நடித்து வரும் ‘ஆபிரகாம் ஒஸ்லர்’ படக்குழு சார்பில் அந்த சிறுவனுக்கு ரூ. 5லட்சம் நிதி உதவி வழங்கினார்.
ஆபிரகாம் ஒஸ்லர் படத்தில் டிரெய்லர் விழா நாளை நடைபெற இருந்த நிலையில் விழாவை ரத்து செய்து விழா செலவுக்கான பணத்தை சிறுவன் மேத்யூவுக்கு நிதி உதவியாக வழங்கினார். இந்த சம்பவம் இவரது ரசிகர் மத்தியில் நெகிழ்ச்சியை ஏற்படுத்தி உள்ளது.
