இன்று முதல் அக்னி நட்சத்திரம் அடிக்கிற வெயிலுக்கு ” அங்கே இங்கே என கூட” போக முடியாதே!
இன்று முதல் அக்னி நட்சத்திரம் தொடங்குகிறது.. அடிக்கிற வெயிலுக்கு ” அங்கே இங்கே என கூட ” போக முடியாதே.
சென்னை: கத்தரி வெயில் எனப்படும் அக்னி நட்சத்திரம் இன்று (மே 4) தொடங்கவுள்ளதாக சென்னை வானிலை மையம் தெரிவித்துள்ளது. கடந்த காலங்களை விட இந்த ஆண்டு வெயில் அதிகமாகவே இருக்கும் என்கிறார்கள்.
கடந்த மார்ச் மாதம் முதல் தமிழகத்தின் பெரும்பாலான பகுதிகளில் கோடை வெப்பம் கொளுத்தி எடுத்து வந்தது. அதையே தாங்க முடியவில்லை. இந்த நிலையில் இன்று முதல் அக்னி நட்சத்திரம் தொடங்க போகிறது என்பதை நினைத்தால்தான் மக்களுக்கு வயிற்றில் புளியை கரைக்கிறது.
இந்த கத்தரி வெயில் 29ஆம் தேதி வரை, 26 நாட்களுக்கு இருக்கும். இந்த கத்தரியின் போது வழக்கத்தை விட 3 முதல் 5 டிகிரி செல்சியஸ் வெப்பம் அதிகரிக்கும் என சொல்லப்படுகிறது. தமிழகத்தில் பெரும்பாலான மாவட்டங்களில் வெப்பநிலை 100 டிகிரி பாரன்ஹீட்டை தாண்டியுள்ளது.அதிலும் கரூரில் அதிகபட்சமாக 112 டிகிரி வெப்பம் பதிவாகியுள்ளது. இனி இந்த 26 நாட்களும் வெப்பம் மேலும் அதிகரிக்கும் என்பதால் மக்கள் வீட்டை விட்டு வெளியே வருவதை முடிந்த வரை தவிர்க்க வேண்டும் எனவும் அறிவுறுத்தப்பட்டுள்ளனர்.
அக்னி நட்சத்திரம் என்றால் என்ன தெரியுமா?
சூரியனை பூமி சுற்றி வருவது அனைவருக்கும் தெரிந்ததுதான். அந்த வகையில் ஏப்ரல் மாதம் கடைசி அல்லது மே மாதம் தொடக்கத்தில் பூமி, சூரியனுக்கு அருகில் வரும். அப்போது வெப்பம் அதிகமாக காணப்படுகிறது. கத்தரி வெயிலால் வெப்பம் அதிகரிக்கும் நிலையில் உலக வெப்பமயமாதல், காலநிலை மாற்றம் உள்ளிட்டவைகளால் அக்னி குண்டத்தில் இருப்பது போல் மக்கள் தவித்து வருகிறார்கள்.
