குறிஞ்சிப்பாடியில்,நகர அர்ரஹ்மான் ஜீம்மா பள்ளிவாசல் சார்பாக புனித ரமலான் பெருநாள் சிறப்பு தொழுகை

குறிஞ்சிப்பாடியில்,நகர அர்ரஹ்மான் ஜீம்மா பள்ளிவாசல் சார்பாக புனித ரமலான் பெருநாள் சிறப்பு தொழுகை

குறிஞ்சிப்பாடியில் “இரமலான்”தினத்தை முன்னிட்டு நகர அர்ரஹ்மான் ஜீம்மா பள்ளிவாசல் சார்பாக ‘புனித ரமலான் பெருநாள் சிறப்பு தொழுகை, பள்ளிவாசல் முத்தவல்லி ஹாஜி அப்துல் பாஷித் அவர்கள் தலைமையில் நடைபெற்றது. ஹாஜி எம்.கே முகமதுசுல்தான் அவர்களின் முன்னிலையில் ஜமாத்தார்கள் பள்ளிவாசலில் இருந்து முக்கிய கடைவீதிகளின் வழியாக ஊர்வலமாக புறப்பட்டு அண்ணா நகரில் உள்ள ஈக்கா மைதானத்திற்கு வந்தடைந்தனர். பின்னர் பள்ளிவாசல் இமாம் மெளலவி ஜனாப் பாதுஷா ஹஜரத் அவர்கள் சிறப்புரையாற்றி அனைவருக்கும் ரமலான் வாழ்த்துக்களை கூறி பெருநாள் சிறப்பு தொழுகையை ஆரம்பித்து வைத்தார்கள். இந்நிகழ்ச்சியில் 200-க்கும் மேற்பட்டோர் ரமலான் தொழுகையில் கலந்துகொண்டு சிறப்பித்தனர். மேலும் நிகழ்ச்சி முடிவில் பள்ளிவாசல் முத்தவல்லி ஹாஜி பி.அப்துல்பாஷித் அவர்கள் நிகழ்ச்சிக்கு பாதுகாப்பு கொடுத்த குறிஞ்சிப்பாடி காவல்துறை அதிகாரிகளுக்கும் நிகழ்ச்சிகள் நடைபெற உறுதுணையாக இருந்த பேரூராட்சி மன்ற துணைத் தலைவர் ஆர் ராமர் அவர்களுக்கும் ஈக்காவில் சுகாதார பணிகளை மேற்கொண்ட பேரூராட்சி ஊழியர்களுக்கும் மற்றும் பத்திரிகை துறை நண்பர்களுக்கும் நன்றிகளை தெரிவித்துக் கொண்டனர்