வாகன ஓட்டிகள் இந்த சாலைகளை தவிர்க்க வேண்டும்; போலீஸ் எச்சரிக்கை!
சென்னையில் இன்று (வெள்ளிக்கிழமை) நடைபெற உள்ள 6-வது கேலோ விளையாட்டுப் போட்டிகளை பிரதமர் நரேந்திர மோடி தொடங்கி வைக்கிறார். இதற்காக பெங்களூரில் இருந்து தனி விமானத்தில் இன்று மாலை சென்னை வருகிறார். விமான நிலையத்தில் இருந்து அவர் ஹெலிகாப்டரில் ஐ.என்.எஸ். கடற்படை தளத்துக்கு சென்று, அங்கிருந்து நேரு உள்விளையாட்டு அரங்குக்கு காரில் செல்கிறார். இதனால் பூந்தமல்லி நெடுஞ்சாலையில் தாசபிரகாஸ் முதல் சென்னை மருத்துவக்கல்லுாரி வரை போக்குவரத்து நெரிசல் ஏற்பட வாய்ப்புள்ளது. அண்ணாசாலை, எஸ்.வி.படேல் சாலை, ஜி.எஸ்.டி. சாலைகளில் போக்குவரத்து மெதுவாக இருக்கும். எனவே வாகன ஓட்டிகள் இந்த சாலைகளை தவிர்த்து மாற்று வழியில் செல்ல திட்டமிட்டு கொள்ள வேண்டும் என்று சென்னை மாநகர போலீசார் அறிவுறுத்தியுள்ளனர்.
