டி.புத்தூர் குத்தகை விவசாயிகள் அமைப்பு கூட்டம்
தமிழ்நாடு அடிமனை பயனாளிகள் குத்தகை விவசாயிகள் பாதுகாப்பு சங்கம் ஒருங்கிணைப்பு குழு அமைப்பு கூட்டம் கடலூர் மாவட்டம், சிதம்பரம் அலுவலகத்தில் நடைபெற்றது. இதற்கு த.வி.ச ஒன்றிய செயலாளர் தர்மதுரை தலைமை தாங்கினார். புத்தூர் சண்முகம் முன்னிலை வகித்தார்.
அமைப்பின் மாநில பொருளாளர் துரைராஜ் கலந்துகொண்டு, அமைப்பின் நோக்கங்கள் குறித்து பேசினார். இதில் த.வி.ச. மாவட்ட செயலாளர் சரவணன், தீ.ஒ.மு. மாநில செயலாளர் வாஞ்சிநாதன், அமைப்பின் மயிலாடுதுறை மாவட்ட செயலாளர் விஜய், சி.பி.எம். ஒன்றிய செயலாளர் செல்லையா, த.வி.ச. ஒன்றியக்குழு உறுப்பினர்கள் பாலசுந்தரம், மருதவாணன், சாமிநாதன் மற்றும் குத்தகை விவசாயிகள் கலந்து கொண்டனர். முடிவில் ஒன்றிய துணைத் தலைவர் சிவனேசன் நன்றி கூறினார்.
