போலீஸ் நிலையத்திலேயே துப்பாக்கிச் சூடு நடத்திய பாஜக எம்.எல்.ஏ கைது!
மகாராஷ்டிரா மாநிலம் உல்லாஸ்நகரின் ஹில் லைன் காவல் நிலையத்தில் (ஷிண்டே தரப்பு) சிவசேனா கட்சி நிர்வாகி மகேஷ் கெய்க்வாட் மீது துப்பாக்கிச் சூடு நடத்திய பாஜக எம் எல் ஏ கண்பத் கெய்க்வாட்டை போலீசார் கைது செய்தனர். காவல் நிலையத்தில் அரங்கேறிய இச்சம்பவத்தில் படுகாயமடைந்த சிவசேனா கட்சி நிர்வாகிக்கு மருத்துவமனையில் தீவிர சிகிச்சை அளிக்கப்பட்டு வருகிறது. இந்த சம்பவம் அப்பகுதியில் பெரும் பரபரப்பை ஏற்படுத்தி உள்ளது.
