அயோத்தி ராமர் கோவில் கும்பாபிஷேகம்; அன்னதானம் வழங்க ஏற்பாடு!

அயோத்தி ராம ஜென்ம பூமியில் ராமர் கோவில் கும்பாபிஷேகம் வருகிற 22ம் தேதி நடைபெற உள்ளது. இதையொட்டி இந்தியாவில் உள்ள அனைத்து ராமர் கோவில்களிலும் வாசலில் ராமரை வீதி வலம் வந்து, அன்னதானம் செய்து பட்டாசு வாண வேடிக்கையுடன் கோலாகலமாக கொண்டாட அதிதி சத்கார கமிட்டி வேண்டுகோள் விடுத்துள்ளது. அதன்படி, திருச்சி மாவட்டம், ஸ்ரீரங்கத்தில் ரங்கநாதர் கோவிலின் 4 கோபுர நுழைவு வீதிகளில் காலை 6 மணி முதல் மாலை 6 மணி வரை 10 ஆயிரம் பக்தர்களுக்கு அன்னதானம் வழங்கப்பட உள்ளது. ராமர் வீதிவலமும் கோலாகலமாக நடைபெற உள்ளது. இதில் பக்தர்கள், பொதுமக்கள் கலந்து கொள்வதோடு, ஒத்துழைப்பு அளிக்க வேண்டுமென ஸ்ரீரங்கம் அதிதி சத்காரம் ஒருங்கிணைப்பாளர்கள் கேட்டுக்கொண்டுள்ளனர்.