பி.எட். சிறப்பு கல்வி பட்டப்படிப்புக்கான நுழைவுத்தேர்வு;  கடைசி நாள்?

தமிழ்நாடு திறந்தநிலை பல்கலைக்கழகம் 2008-ம் ஆண்டில் இருந்து பி.எட். சிறப்பு கல்வி பட்டப்படிப்பை தொலைநிலை வாயிலாக வழங்கப்பட்டு வருகிறது. தென் இந்திய அளவில் இந்த படிப்பை வழங்கி வரும் 2 பல்கலைக்கழகங்களில், தமிழ்நாடு திறந்த நிலை பல்கலைக்கழகமும் ஒன்று. இந்த படிப்பானது பி.எட். (பொது) பட்டத்துக்கு இணையானது. இந்த படிப்பை முடிப்பவர்கள் அரசு பொது மற்றும் சிறப்பு பள்ளிகள், தனியார் பள்ளிகள், சி.பி.எஸ்.இ. பள்ளிகளில் ஆசிரியர்களாக பணியாற்ற முடியும். அந்த வகையில் 2024-ம் ஆண்டு பி.எட். சிறப்பு கல்வி பட்டப்படிப்பு சேர்க்கைக்கு நுழைவுத்தேர்வு நடத்தப்பட உள்ளது. இந்த தேர்வுக்கு ஆன்லைன் மூலம் விண்ணப்பிக்க அவகாசம் வழங்கப்பட்டு இருக்கிறது. அதன்படி வருகிற 20-ந் தேதி வரை ஆன்லைன் வாயிலாக விண்ணப்பிக்கலாம் என பல்கலைக்கழகம் அறிவித்துள்ளது. விண்ணப்பிக்க விருப்பம் உள்ளவர்கள் https://tnou.ac.in/prospectus-bed.php என்ற பல்கலைக்கழக இணையதளத்துக்கு சென்று விண்ணப்ப படிவம் மற்றும் விளக்க கையேடுகளை பார்க்கலாம். மேலும் இதுதொடர்பான விவரங்களுக்கு 044-24306617 என்ற தொலைபேசி எண்ணில் தொடர்பு கொண்டு தெரிந்து கொள்ளலாம் என்றும் தமிழ்நாடு திறந்த நிலை பல்கலைக்கழக பதிவாளர் செந்தில்குமார் தெரிவித்துள்ளார்.

 

Spread the love

TamilNews Media

Tamil web magazine in which daily news, medical articles, politics, sports, education related news are uploaded. Contact 9600032872

Leave a Reply

Your email address will not be published. Required fields are marked *